ეკონომიკის ექსპერტის რომან გოცირიის შეფასებით, ყაზტრანსგაზის ქმედება არის შანტაჟი. მისი განმარტებით, საუბარია ყაზახეთისადმი საქართველოს სახელმწიფო ვალის გაქვითვაზე ,,ყაზტრანსგაზის” საქართველოსადმი ვალებში.
,,სულ ახლახან ენერგეტიკის მინისტრმა განაცხადა, რომ მოულოდნელობა იყო ხაზახური მხარის განცხადება. ჩვენ არა ვართ წინააღმდეგი მათი დაბრუნების, მაგრამ ორი ქვეყნის ფინანსთა სამინისტროებს შორის ვერ მოხერხდა შეთანხმება ჯერჯერობითო.
ეს რეპლიკა იმას ნიშნავს, რომ კალაძე კენჭებს ფინანანსთა სამინისტროს ბოსტანში ისვრის. მას უნდა გადააბრალოს 80 მილიონიანი დავალიანების მქონე ყაზახების მართვაში ვერდაბრუნება. როგორც ჩანს, ფინანთა სამინისტროს სწორი პოზიცია უჭირავს ვალების გაქვითვასთან დაკავშირებით და არ მიდის ყაზახურ მხარესთან დათმობაზე.
საუბარია ყაზახეთისადმი საქართველოს სახელმწიფო ვალის გაქვითვაზე ყაზტრანსგაზის საქართველოსადმი ვალებში.
რასაც ახლა აკეთებენ არის შანტაჟი”, - აცხადებს რომან გოცირიძე.
ყაზტრანსგაზი იწყებს წინასაარბიტრაჟოპროცესს ქართული მხარისგანინვესტიციების დასაბრუნებლად.საუბარია კომპანია ყაზტრანსგაზ-თბილისში განხორციელებულინვესტიციებზე, - ამის შესახებ კომპანიამგანცხადება საკუთარ ვებგვერდზეგაავრცელა.
წერილში აღნიშნულია, რომ 2015 წლის 21 სექტემბერს საერთაშორისო იურიდიულმა კომპანია Baker&McKenzie-მ ყაზტრანსგაზის სახელით ქართული მხარის წინააღმდეგ გაგზავნა წერილი ინვესტიციებთან დაკავშირებით მოლაპარაკებების დაწყების შესახებ.
ამის მიზეზი ყაზტრანსგაზის ცნობით, ქართული მხარის მიერ ინვესტორის უფლებების დარღვევაა, რადგან კომპანია ყაზტრანსგაზ-თბილისის მართვაში ფაქტობრივად ვეღარ მონაწილეობს.
საუბარია 130 მილიონი აშშ დოლარის ინვესტიციაზე, რაც ყაზტრანსგაზ-ტბილისის განვითარებისა და თბილისის გაზით მომარაგებისთვის 2006-2009 წლებში განხორციელდა. ყაზტრანსგაზი აცხადებს, რომ
ყაზტრანსგაზ-თბილისი 2006 წელს საქართველოს ეკონომიკის განვითარების სამინისტროსთან მემორანდუმის საფუძველზე დააფუძნა. მემორანდუმის მიზანი იყო თბილისისა და მისი რაიონების გაზით მომარაგება.
"მიუხედავად 100-პროცენტიანი წილისა ყაზტრანსგაზ-თბილისში, 2009 წლის 16 მარტს ქუთაისის სასამართლომ დააკმაყოფილა საქართველოს ენერგეტიკისა და წყალმომარაგების მარეგულირებელი კომისიის მოთხოვნა კომპანია ყაზტრანსგაზ-თბილისზე სპეციალური მართვის დამყარების შესახებ. შედეგად ყაზტრანსგაზს არ აქვს შესაძლებლობა მიიღოს მონაწილეობა მისი შვილობილი კომპანიის საქმიანობაში", - აღნიშნულია კომპანიის მიერ გავრცელებულ წერილში.
ყაზტრანსგაზი მიიჩნევს, რომ საქართველოს შესაბამისი ორგანოების ქმედებები არღვევს უცხოელი ინვესტორის უფლებებს, რაც უზრუნველყოფილია საქართველოს ეროვნული კანონმდებლობებითა და საერთაშორისო შეთანხმებებით.
ყაზტრანსგაზს იმედი აქვს, რომ ქართული მხარის კონსტრუქციული პოზიცია დააჩქარებს დავის დარეგულირებას წინასაარბიტრაჟო პროცედურების ფარგლებში.
იმ შემთხვევაში, თუ წინასაარბიტრაჟო გზით დავა ვერ გადაწყდება, ყაზტრანსგაზი იმოქმედებს ორმხრივი ინვესტიციების დაცვის შესახებ შეთანხმებით საქართველოს მთავრობასა და ყაზახეთის რესპუბლიკას შორის.
