NATO-ში შეერთებული შტატების ყოფილი ელჩი და მაკკეინის ინსტიტუტის დირექტორი კურტ ვოლკერი მიიჩნევს, რომ თბილისის ყოფილი მერის გიგი უგულავას გარშემო განვითარებული მოვლენების თანხვედრა პოლიტიკურ მოტივაციაზე მიანიშნებს.
"თბილისის ყოფილი მერის გიგი უგულავას საქმე - როცა მან წინასწარ პატიმრობაში 14 თვეზე მეტი გაატარა, შემდეგ საკონსტიტუციო სასამართლოს გადაწყვეტილებით ის გაათავისუფლეს, 24 საათის შემდეგ დამნაშავედ ცნეს და ისევ ციხეში შეაბრუნეს, საქართველოს მეგობრებს ვერ არწმუნებს, რომ საქმე გვაქვს კანონის უზენაესობასთან. ამ მოვლენების თანხვედრა პოლიტიკურ მოტივაციაზე მიანიშნებს"- განაცხადა ვოლკერმა ,,ამერიკის ხმისთვის” მიცემულ ინტერვიუში.