NATO-ში შეერთებული შტატების ყოფილი ელჩი და მაკკეინის ინსტიტუტის დირექტორი კურტ ვოლკერი მიიჩნევს, რომ ვარშავის სამიტზე საქართველო და უკრაინა MAP-ის მინიჭებას არ უნდა ელოდნენ. როგორც მან ,,ამერიკის ხმასთან” ინტერვიუში განაცხადა, რაც შეიძლება სამიტზე ვნახოთ, ეს NATO-სთან პარტნიორობის გაგრძელებაა.
"რაც შეეხება საქართველოს ან უკრაინას, არ ვფიქრობ, რომ ამ სამიტზე მათთვის MAP-ის მინიჭებას ვინმე შეიძლება, ელოდეს. მაგრამ რაც უნდა ვნახოთ, ესაა NATO-საქართველოს კომისიის, ასევე NATO-უკრაინის კომისიის საშუალებით პარტნიორობის გაგრძელება, რაც ისეთ საკითხებს მოიცავს, როგორიცაა უსაფრთხოების სექტორი, წვრთნების და დაგეგმარების ყოველწლიური ეროვნული გეგმა. საქართველოს ადგილას ვეცდებოდი NATO-სთვის მაქსიმალურად მოვმზადებულიყავი, რათა NATO-სა თუ ევროკავშირში გაფართოების კუთხით ვითარების შეცვლის შემთხვევაში საქართველო მზად იყოს", - განაცხადა ვოლკერმა.
