ეკონომიკისა და მდგრადი განვითარების მინისტრის დიმიტრი ქუმსიშვილის განცხადებით, ექსპორტის ხელშეწყობის სააგენტოს ჩამოყალიბება წლის ბოლოსთვის იგეგმება. აღნიშნულ საკითხზე მინისტრმა დღევანდელი მთავრობის სხდომის დასრულების შემდეგ ჟურნალისტებთან განაცხადა.
,,მოგეხსენებათ, რომ საპარტნიორო ფონდმა დაუკვეთა იტალიურმა კომპანია „საჩეს“ აღნიშნული კვლევის ორგანიზაციის სტრუქტურის გაკეთება. ეს ყველაფერი გაკეთდა და შესაბამისად, ვართ ამ პროცესში საპარტნიორო ფონდთან ერთად, რომ წლის ბოლოსთვის რეალურად ექსპორტის ხელშეწყობის სააგენტოს სტრუქტურის ჩამოყალიბება მოხდეს“, - განაცხადა მინისტრმა.