,,თავისუფალი დემოკრატების” წევრი მაია ფანჯიკიძე მიიჩნევს, რომ მედია ყველამ უნდა დაიცვას. ,,რუსთავი 2” -ის ირგვლივ განვითარებული მოვლენების შეფასებისას მან განაცხადა, რომ მედიასთან სახიფათო თამაში არავისთვის არ დამთავრებულა კარგად.
,,არავითარ შემთხვევაში არ შეიძლება მედიის შეზღუდვა ქვეყანაში, რომელსაც აქვს პრეტენზია დემოკრატიულობაზე და მედიასთან ასეთი სახიფათო თამაში არავისთვის არ დამთავრებულა კარგად. ასე რომ, ჩვენ ყველამ უნდა დავიცვათ მედიის და სიტყვის თავისუფლება”, - აღნიშნა ფანჯიკიძემ.