,,თავისუფალი დემოკრატები” ვადამდელი აჩევნების ჩატარებას არ ემხრობიან. პარტიის ერთ-ერთი ლიდერი მაია ფანჯიკიძე აცხადებს, რომ არჩევნების ვადებში ჩატარება ქვეყნის დემოკრატიული განვითარებისთვის აუცილებელია.
"მთავრობით უკმაყოფილება დიდი ხანია არსებობს, ეს არის საკმარისი იმისთვის რომ მთავრობამ პასუხისმგებლობა უნდა იგრძნოს. მაგრამ 1 წელია არჩევნებამდე დარჩენილი.
ეს ქვეყანა უნდა მიეჩვიოს იმას, რომ ეს არის ის ციკლი რომელიც აუცილებელი არის ქვეყნის დემოკრატიული განვითარებისთვის. ჩვენ ვემხრობით არჩევნების ვადაში ჩატარებას. მთავარია ყველანაირი გარემო შეიქმნას იმისთვის, რომ ქვეყანაში არჩევნები ნორმალურად ჩატარდეს,"- განაცხადა მაია ფანჯიკიძემ.
შეგახსენებთ, ,,ნაციონალურმა მოძრაობამ” ქვეყანაში ფართომასშტაბიანი აქციები და სხვადასხვა პოლიტიკურ და არაპოლიტიკურ ძალასთან თანამშრომლობა გუშინ დაანონსა.
