პრეზიდენტი გიორგი მარგველაშვილი აცხადებს, რომ ნებისმიერი მედიასაშულაბა უნდა იყოს დამოუკუდებელი. მან პოლიტიკოსებს შეახსენა, რომ მედიასთან დაპირისპირება მარალი ტანამდებობის პირების გადადგომას იწვევს.
როგორც მან გადაცემა "არჩევანში", "რუსთავი 2"-თან დაკავშირებით მიმდინარე პროცესებზე საუბრისას განაცხადა, იმედი აქვს, რომ პოლიტიკოსებს კარგად ახსოვთ, რომ "რუსთავი 2"-თან დაპირისპირების შედეგად შევარდნაძის ხელისუფლების მაღალი თანამდებობის პირები, "იმედის" გარშემო განვითარებული მოვლენების გამო კი მიხეილ სააკაშვილი გადადგა.
"რუსთავი 2", ისევე. როგორც ნებისმიერი მედიასაშუალება, არის ქართული საზოგადოების მონაპოვარი, რომელიც ჩვენ, საქართველოს მოქალაქეებს დაგვიცავს და რომელიც უზრუნველყოფს იმას, რომ ქვეყანაში იყოს, განვითარდეს და გაღრმავდეს დემოკრატია. კონკრეტულ საქმესთან მიმართებაში კომენტარს ვერ გავაკეთებ, რადგან დავა ეხება კომპანიის მეწილეებს და მიმაჩნია, რომ სასამართლოს საქმეში პოლიტიკოსი, მით უმეტეს თანამდებობის პირი არ უნდა ჩაერიოს, მაგრამ მეორე საკითხია თვითონ "რუსთავი 2"-ის ფუნქციონირება. ის ისევე, როგორც ნებისმიერი მედია არ არის მხოლოდ ბიზნესკომპანია. მისი საქმიანობის მომხმარებელია ქართული საზოგადოება. ბუნებრივია, საქართველოს ყველა მოქალაქისთვის, განურჩევლად იმისა, მოსწონს თუ არა მას "რუსთავი 2"-ის ტონი, პათოსი, მნიშვნელოვანია, რომ მედიასაშუალებების დამოუკიდებელობა იყოს შენარჩუნებული", - განაცხადა გიორგი მარგველაშვილმა.
