თუ თავისუფალი სიტყვა ივანიშვილმა მოგუდა, მაშინ არჩევნები ვეღარ იქნება თავისუფალი და სამართლიანი, ამის შესახებ „ჯი-ეიჩ-ენს“ საქართველოს კულტურისა და ძეგლთა დაცვის ყოფილმა მინისტრმა, საზოგადოება „ივერია“-ს ერთ-ერთმა დამფუძნებელმა, ნიკოლოზ რურუამ განუცხადა.
„ჩემი აზრით, თუ თავისუფალი სიტყვა ივანიშვილმა მოგუდა საქართველოში, მაშინ არჩევნები ვეღარ იქნება თავისუფალი და სამართლიანი - მას გააყალბებენ უმოწყალოდ, რაც პირველად ჩვენს ისტორიაში ძალაუფლების მშვიდობიან ცვლის პრეცედენტს დაასამარებს და ისევ არეულობებსა და ქაოსს დათესს, რაც ქვეყანას ეგზისტენციურ პრობლემებს შეუქმნის. ამიტომ, რუსთავი 2-ის გადარჩენა დღეს სამოქალაქო მშვიდობისა და ქართული დემოკრატიის გადარჩენაა”, - განუცხადა „ჯი-ეიჩ-ენს“ ნიკოლოზ რურუამ.
რურუა „ქართული ოცნების“ მმართველობის სამ წელს უკიდურესად უარყოფითად აფასებს.
„მოსვლიდან 3 წარუმეტებელი წლისთავი თავისუფალი სიტყვის მოგუდვით დააგვირგვინეს. დანარჩენი თქვენც იცით - ლარის უბედურება, პილიტიკური დევნა, სიძულვილის თესვა, მოკავშირეების დაკარგვა, ნეპოტიზმი და ა.შ”, - აცხადებს რურუა.
მისი თქმით, „ოცნება“ საქმის კეთების ნაცვლად ყველაფრის სხვებზე გადაბრალებითაა დაკავებული და მისი წარმატებები ძნელად გასახსენებელია.
„წარმატებას ვეღარ ვიხსენებ - წინა წლებში რთველის ჩატარება იყო. ეხლა აქაც ჩაფლავდნენ”, - აცხადებს ექსმინისტრი.