მთავარი პროკურორის მოადგილე ირაკლი შოთაძე აცხადებს, რომ ფაქტობრივად დადგენილია ყველა გარემოება, თუ როგორ მოხდა ბიზნესმენ ბესიკ ხარძიანის მკვლელობა. მან ჟურნალისტებთან ასევე განაცხადა, რომ გამოძიების მიმდინარეობის შესახებ ოჯახი ინფორმირებულია.
"ძალიან ბევრი ფაქტობრივი გარემოებაა დადგენილი, თუმცა ამ ეტაპზე თავს შევიკავებთ დეტალებზე საუბრისგან, ვინაიდან მიმდინარეობს ოპერატიულ-სამძებრო ღონისძიებები. მე ახლა საზოგადოებას რომ ვაცნობო კონკრეტულად რა არის საქმეში დადგენილი, ვინ არიან მხილებულნი, ეს ხელს შეუშლის ოპერატიულ-სამძებრო ღონისძიებების მიმდინარეობას, თუმცა მინდა გითხრათ, რომ ბესიკ ხარძიანის ოჯახი სრულად არის ინფორმირებული საქმეში მიმდინარე საგამოძიებო მოქმედებებისა და ოპერატიულ-სამძებრო ღონისძიებების შესახებ", - განაცხადა შოთაძემ.
მკვლელობის მოტივთან დაკავშირებით იგი აცხადებს, რომ "საგამოძიებო მოქმედებების შედეგად ფაქტობრივად დადგენილია ყველა გარემოება, თუ როგორ მოხდა ამ მკვლელობის ჩადენა", - აღნიშნა შოთაძემ.