საქართველოს მთავარი პროკურორის მოადგილე, ირაკლი შოთაძე აცხადებს, რომ ეროსი კიწმარიშვილის საქმესთან დაკავშირებით, საზოგადოება შედეგებს ძალიან მალე გაიგებს. მისი თქმით, საგამოძიებო მოქმედებები, რომელსაც ოჯახი ითხოვდა, მალე ამოიწურება.
”ეროსი კიწმარიშვილის გარდაცვალების საქმეში ჩატარებული არის ძალიან ბევრი საგამოძიებო მოქმედება და ძალიან ბევრი ექსპერტიზა. ამ საკითხთან დაკავშირებით ჩვენ კომუნიკაცია გვქონდა კიწმარიშვილის ოჯახთან, შესაბამისად არ გვინდოდა და არ გვსურდა რომ ეს ინფორმაცია, რაც სისიხლის სამართლის საქმეში უკვე მოპოვებულია და რაზეც სრული წვდომა აქვს ეროსი კიწმარიშვილის ოჯახს, გაგვეხადა საზოგადოებისთვის ნათელი ვიდრე არ ამოვწურავდით იმ საგამოძიებო მოქმედებებსაც რასაც თვითონ დაზარალებულის ოჯახი ითხოვდა და მე ვფიქრობ რომ ეს საგამოძიებო მოქმედებები ძალიან მალე ამოიწურება და ჩვენ აუცილებლად საზოგადოებას სრულად გავაცნობთ გამოძიების შედეგებს.” - აცხადებს საქართველოს მთავარი პროკურორის მოადგილე , ირაკლი შოთაძე .