,,ნაცმოძრაობის” დეპუტატი აკაკი ბობოხიძე ხელისუფლებას სთხოვს პირად კონტოლზე აიყვანოს სოფელ მათხოჯში ადვოკატ რობინზონ ხურცილავას ოჯახის დაყაჩაღების ფაქტი. ამის შესახებ ბობოხიძემ პარლამენტის პლენარულ სხდომაზე განაცხადა და განსაკუთრებული სისასტიკით ჩადენილი დანაშაულის გამოძიება ხელისუფლების ღირსების საკითხია.
მისივე თქმით, რობინზონ ხურცილავა ის ადვოკატია, რომელმაც ხონის გამგეობას, უკანონოდ გათავისუფლებული თანამშრომლების აღდგენასთან დაკავშირებით ყველა სარჩელი მოუგო.
„ეს არის ის ადვოკატი, რომელმაც ყველა სარჩელი მოუგო ხონის რაიონის გამგეობას, უკანონოდ გათავისუფლებული თანამშრომლების აღდგენასთან დაკავშირებით. ეს არის ადვოკატი, რომელიც საკმაოდ მკვეთრ განცხადებებს აკეთებდა პირველ ოქტომბერს მის მიერ გაკეთებულ არჩევანთან დაკავშირებით. ამიტომ მე ვთხოვ ხელისუფლებას განსაკუთრებული ყურადღების ქვეშ აიყვანოს ეს საქმე. მით უფრო, რომ მსგავსი ტიპის სისასტიკით ჩადენილი დანაშაული არ შეიძლება დაუსჯელი დარჩეს. მიმაჩნია, რომ ეს არის თქვენი ხელისუფლებისათვის ღირსების საკითხი,“-აცხადებს აკაკი ბობოხიძე.
ხონის რაიონის სოფელ მათხოჯში ადვოკატ რობინზონ ხურცილავას ოჯახი გამთენისას დააყაჩაღეს მასსა და მის მეუღლეს ფიზიკური შეურაცხყოფა მიაყენეს. შედეგად რობინზონ ხურცილავა სახის ძვლების მოტეხილობით საავადმყოფოში გადაიყვანეს.