საქართველოს ვიცე-პრემიერმა, საქართველოს საგარეო საქმეთა მინისტრმა, გიორგი კვირიკაშვილმა, ამბასადორიალის ფარგლებში, საზღვარგარეთ საქართველოს დიპლომატიური წარმომადგენლობების ხელმძღვანელებთან სამუშაო შეხვედრა გამართა.
სესიაზე განხილულ იქნა საგარეო საქმეთა სამინისტროს საქმიანობა და სამომავლო ამოცანები.
მინისტრების მოადგილეებმა მიმოიხილეს ქვეყნის საგარეო პოლიტიკის პრიორიტეტული მიმართულებები.
საზღვარგარეთ საქართველოს ელჩებმა მინისტრს მიაწოდეს ინფორმაცია ცალკეულ ქვეყნებთან არსებული ორმხრივი ურთიერთობების შესახებ.
განხილულ იქნა სამინისტროს საქმიანობის კუთხით არსებული ამოცანები და სამომავლო მიზნები. მინისტრმა მზადყოფნა გამოთქვა, ამბასადორიალის ფარგლებში, ელჩებთან ინდივიდუალური შეხვედრების თაობაზე.
