აგვისტოს შედეგების მიხედვით, ექსპერტებმა მსოფლიოში ყველაზე მყარი ვალუტის ”ტოპ 5” დაასახელეს. როგორც ირკვევა, ყველაზე სტაბილური ვალუტა, იაპონური იენაა, ყველაზე ცუდი კი ყაზახური ტენგე.
„ჩვენ გავაანალიზეთ მსოფლიო ვალუტების სტაბილურობა ზაფხულის ბოლო თვის შედეგებით. ანალიზისათვის სიაში შეყვანილი იყო საერთაშორისო სავალუტო ბაზარზე მიმოქცევაში არსებული გაცილებით ლიკვიდური ძირითადი საერთაშორისო ვალუტები. ასევე უკრაინული გრივნა, ბელორუსული რუბლი,რუსული რუბლი და ყაზახეთის ტენგე.
ვალუტის კურსის ზრდა და ვარდნა განისაზღვრებოდა აშშ დოლართან მიმართებაში“- განმარტა უფროსმა ანალიტიკოსმა ალპარი ვადიმ იოსუბმა.
შესაბამისად, რეიტინგის სათავეშია იაპონური იენა, რომელიც აგვისტოში დოლართან მიმართებაში 2,2%-ით გამყარდა. მეორე ადგილი ერთდროულად გაინაწილა ევრომ, დანიურმა კრონამ და გრივნამ, რომელთაც თვის განმავლობაში შესძლეს დოლართან მიმართებაში გამყარება 2,0%-ით.
მესამე ადგილზეა შვედური კრონი, რომელიც გაიზარდა 1,7%. მეოთხე ადგილს შვეიცარიული ფრანკი იკავებს, რომელიც უმნიშვნელოდ 0,1%-ით გამყარდა.
მეხუთე ადგილი გაინაწილა ჰონკონგის დოლარმა,რომელიც დოლართან მიმართებაში არ შეცვლილა და ასევე, თავად აშშ დოლარი.
ვალუტის „ანტირეიტინგში“, რომელთაც გაცილებით ძლიერად დაკარგეს ღირებულება დოლართან მიმართებაში, მეხუთე ადგილზეა სამხრეთ აფრიკული რენდი. მეოთხეზეა თურქული ლირა, რომელიც 5,1%-ით დაეცა. მესამეზე რუსული რუბლი, რომელიც დოლართან მიმართებაში 9,5% ით გაუფასურდა. მეორე ადგილი დამსახურებულად ეკუთვნის ბელორუსულ რუბლს, რომელიც თვის განმავლობაში 12,6%-ით დაეცა. „ანტირეიტინგი” სათავეშია ყაზახეთის ტენგე, რომელიც მცოცავ კურსზე გადასვლის შემდეგ, დოლართან მიმართებაში 21,1%-ით გაუფასურდა.