,,თავისუფალი დემოკრატების” წევრი შავლა შავგულიძე პლენარულ სესიაზე მედიაში მიმდინარე მოვლენებს გამოეხმაურა და მიმდინარე პროცესები ხელისუფლების სურვილებს დაუკავშირა, რომ მაქსიმალურად გააკონტროლოს მედია.
,,მმართველი კოალიცია ცდილობს საკუთარ კონტროლს დაუქვემდებაროს ყველა ინსტიტუტი, რითაც ირღვევა ხელისუფლების შტოებს შორის განაწილების და კონტროლის დემოკრატიული პრინციპი, რასაც საბჭოური ტიპის ერთპარტიული ტოტალური მმართველობისკენ მიყავს ჩვენი ქვეყანა. ამის თქმის საფუძველს მაძლევს მედიის დამოუკიდებლობის ხელყოფის ფაქტები ხელისუფლების მხრიდან, ასევე ის საკანონმდებლო პოლიტიკა, რომელსაც ახორციელებს მთავრობა ბოლო პერიოდში. თავს ვერ მოვიტყუებ და ვერ დავიჯერებ, რომ "რუსთავი 2"-ის წინააღმდეგ დავა მართლა ყოფილმა მეპატრონეებმა წამოიწყეს და ამაში "ქართული ოცნების" ხელი არ ურევია", - განაცხადა შალვა შავგულიძემ.
მისივე თქმით, რთული დასაჯერებელია, რომ "იმედმა" საკუთარი ინიციატივით შეაჩერა მისი მაუწყებლობის ყველაზე მეტად რეიტინგული გადაცემები, თან ეს გააკეთა წინასაარჩევნო წლის დასაწყისში.
