7-8 სექტემბერს, მაკკეინის ინსტიტუტი საერთაშორისო ლიდერობისთვის და ეკონომიკური პოლიტიკის კვლევის ცენტრი (EPRC), უმასპინძლებს თბილისის საერთაშორისო კონფერენციას „ევროპის ახალი გეოპოლიტიკური ლანდშაფტი: უსაფრთხოება, ეკონომიკური შესაძლებლობები, თავისუფლება და ადამიანური ღირსება ფრონტისპირა ქვეყნებში“.
კონფერენცია გაიმართება სასტუმროში თბილისი რუმსი (სასტუმროს ბაღი).
თბილისის საერთაშორისო კონფერენციის მიზანიაერთად შეკრიბოს საქართველოს და პარტნიორი ქვეყნების პოლიტიკისა და უსაფრთხოების სფეროს ლიდერები. კონფერენციის მონაწილეები განიხილავენ ერთიანი, თავისუფალი და მშვიდობიანი ევროპის იდეას, გაიმართება დისკუსიააღმოსავლეთ ევროპის ქვეყნებისწინაშე არსებულიგამოწვევებისა და სამომავლო სტრატეგიის შესახებ.
მაკკეინის ინსტიტუტს თბილისის საერთაშორისო კონფერენციაზეწარმოადგენენბატონი კურტ ვოლკერი, მაკკეინის ინსტიტუტის აღმასრულებელი დირექტორი და ბატონი დევიდ კრამერი, მაკკეინის ინსტიტუტის დირექტორი დემოკრატიისა და ადამიანის უფლებების მიმართულებით.
თბილისის საერთაშორისო კონფერენციას დაესწრებიან საქართველოს პრეზიდენტი, გიორგი მარგველაშვილი, საქართველოს პრემიერ-მინისტრი ირაკლი ღარიბაშვილი და სხვა მაღალი რანგის პირები, ხელისუფლების, პოლიტიკური პარტიებისა და სამოქალაქო საზოგადოების წარმომადგენლები. კონფერენციის დისკუსიებსა თუ დებატებში აქტიურ მონაწილეობას მიიღებენ აშშ-ს, დასავლეთ და ცენტრალური ევროპის პოლიტიკური, დიპლომატიური, აკადემიური და ექსპერტული წრეების ლიდერები.
ცივი ომის დასრულების შემდეგ, ევროპის უსაფრთხოების ახალი და ინკლუზიური ხედვა ჩამოყალიბდა, რომელიც ეფუძნებოდა იდეას: ევროპა - ერთიანი, თავისუფალი და მშვიდობიანი. პარიზის ქარტიაზე, ბუდაპეშტის მემორანდუმზე, ნატო-რუსეთის დაფუძნების აქტსა და ევროპაში ჩვეულებრივი შეიარაღებული ძალების შესახებ შეთანხმების დოკუმენტებზე დაყრდნობით, ევროპული ქვეყნები და მათ შორის რუსეთი შეთანხმდნენშემდეგძირითად პრინციპებზე:დემოკრატიისა და ადამიანის უფლებების მხარდაჭერა;თითოეული ევროპული ქვეყნის ტერიტორიული მთლიანობის და დამოუკიდებლობის პატივისცემა; ძალის გამოყენებისგან თავის შეკავება და თითოეული ევროპული ქვეყნის უფლება გააკეთოს საკუთარი უსაფრთხოების არჩევანი.
25 წლის შემდეგ ევროპის უსაფრთხოების არქიტექტურა მნიშვნელოვნად შეირყა და ევროპის აღმოსავლეთში, ისე როგორც არასდროს, იდეის - „ევროპა ერთიანი, თავისუფალი და მშვიდობიანი“ რეალიზება შორეულ პერსპექტივას წარმოადგენს. რუსეთი შეიჭრა საქართველოსა და უკრაინაში და ჯერ კიდევ ოკუპირებული აქვს ამ ორი ქვეყნის, ასევე მოლდოვას ტერიტორიის ნაწილები.რუსეთმა მოახდინა ყირიმის ანექსიადა აფხაზეთი და სამხრეთ ოსეთი დამოუკიდებელ ქვეყნებად სცნო, რაც პრაქტიკულად, მეორე მსოფლიო ომის შემდეგ, ევროპის საზღვრების ძალისმიერი მეთოდებითცვლილების პირველი შემთხვევაა.
გარდა ამისა, დასავლეთ ევროპისქვეყნების მისწრაფება, აღმოსავლეთ და ცენტრალური ევროპის ქვეყნების უსაფრთხოების მისაღწევად გააფართოონ ევროკავშირი და ჩრდილო ატლანტიკური ხელშეკრულების ორგანიზაცია, არცთუ წარმატებით ხორციელდება. ევროპის მრავალ ქვეყანაში გააქტიურებული ულტრა მემარცხენე და მემარჯვენე პოლიტიკური ძალები საფრთხეს უქმნის ცივი ომის შემდგომი ევროპის ინტეგრაციას.
2015 წლის თბილისის საერთაშორისო კონფერენცია არის ზუსტად ამ გამოწვევებზე მსჯელობის და დისკუსიების დაწყების ძალისხმევა და მიზნად ისახავს კონკრეტული წინადადებების შემუშავებას ერთიანი, თავისუფალი და მშვიდობიანი ევროპის იდეის უფრო აქტიურად მხარდაჭერისთვის. კონფერენციაზე ქართველი, ამერიკელი და ევროპელი პოლიტიკური ლიდერების, ექსპერტების, მკვლევარების და პრაქტიკოსების მოწვევით, კონფერენციის ორგანიზატორები ცდილობენ შექმნან ევროპის უსაფრთხოების, ეკონომიკის და პოლიტიკური ლანდშაფტის არსებული წარმოდგენების შესახებ მსჯელობის ერთიანი სივრცე. კონფერენციის დასრულების შემდეგ კი, შემუშავდება და გამოქვეყნდება სარეკომენდაციო სახის სამოქმედოგეგმა, რითაც შესაძლებელი გახდება განვითარებადი დემოკრატიების უფრო ქმედითი მხარდაჭერა, რათა მათ შეძლონ უფრო აქტიურად დაუახლოვდნენ ტრანსატლანტიკურ ინსტიტუტებს და უზრუნველყონ თავისუფლებისა და ადამიანური ღირსების ღირებულებების პატივისცემაზე დაფუძნებულიმშვიდობიანი და წარმატებული მომავალი.
2015 წლის თბილისის საერთაშორისო კონფერენცია ხორციელდება ფონდისღია საზოგადოება - საქართველო, საქართველოში აშშ-ს და გაერთიანებული სამეფოს საელჩოების მხარდაჭერით.
დადასტურებულ მონაწილეთა სია:
გიორგი მარგველაშვილი. საქართველოს პრეზიდენტი
ირაკლი ღარიბაშვილი, საქართველოს პრემიერ-მინისტრი
დავით უსუფაშვილი, საქართველოს პარლამენტის თავმჯდომარე
თინათინ ხიდაშელი, საქართველოს თავდაცვის მინისტრილინას ლინკევიჩუსი, ლიტვის საგარეო საქმეთა მინისტრი
ბენ ჰოდჯესი, აშშ-ს ევროპის არმიის სარდალი
ანდრეს პილდეგოვიჩი, ლატვიის საგარეო საქმეთა მინისტრის მოადგილე
შტეფან ფულე, ევროკავშირის ყოფილი კომისარიგაფართოვების და ევროპის სამეზობლო პოლიტიკის საკითხებში
იან ბონდი, გაერთიანებული სამეფოს ყოფილი ელჩი ლატვიაში
სტეფანო სტეფანინი, იტალიის პრეზიდენტის ყოფილი საერთაშორისო მრჩეველი
დევიდ კრამერი, აშშ-ს სახელმწიფო მდივნის ყოფილი მოადგილე დემოკრატიისა და ადამიანის უფლებების მიმართულებით
კურტ ვოლკერი, აშშ-ს ყოფილი ელჩი ნატოში
ლილია შევცოვა, აშშ-ს ბრუკინგსის ინსტიტუტის მკვლევარი