თბილისის ვიცე-მერის პოსტზე დედაქალაქის მერმა დავით ნარმანიამ ლაშა აბაშიძის კანდიდატურა წარადგინა. ლაშა აბაშიძე ვაკის რაიონის გამგებელი იყო, მანამდე კი საქართველოს პრეზიდენტის ადმინისტრაციას ხელმძღვანელობდა.
,,ლაშა აბაშიძე ბოლო პერიოდში თავისი საქმიანობით აქტიურად გამოირჩეოდა, მის გამგებლობის პერიოდს ვაკის რაიონში არაერთი მნიშვნელოვანი ინფრასტრუქტურული და საგანმანათლებლო პროექტი უკავშირდება. ასევე მისი გამგებლობის პერიოდში, ჩვენდა სამწუხაროდ, 13 ივნისის სტიქია მოხდა, მას სამთავრობო გუნდთან ერთად 24 საათიან რეჟიმში აქტიური მუშაობა უწევდა. ახლაც ის ჩართულია სალიკვიდაციო სამუშაოებში და ვიცემერის რანგში ამ საკითხებზე მუშაობას გააგრძელებს,“-განაცხადა დავით ნარმანიამ.
ვიცე-მერის პოსტი თავისუფალი მას შემდეგ გახდა, რაც დიმიტრი ქუმსიშვილი პრემიერ- მინისტრმა ეკონომიკის და მდგრადი განვთარების მინისტრად დანიშნა.