საგარეო საქმეთა მინისტრის ყოფილი მოადგილე ნინო კალანდაძე საგარეო უწყებაში განხორციელებულ ცვლილებებს ქვეყნის საგარეო ვექტორის ცვლილებას უკავშირებს. როგორც კალანდაძე ,,ჯი-ეიჩ-ენთან” საუბარში აცხადებს, საკმაოდ საყურადღებოა ის განმარტება, რომელიც გიორგი კვირიკაშვილმა ევრაზიულ სივრცესთან დაკავშირებით გააკეთა.
,,კვირიკაშვილმა საგარეო საქმეთა მინისტრის რანგში პირველივე გამოსვლაში საერთაშორისო თანამეგობრობას და შიდა აუდიტორიას ამცნო, რომ დასავლეთის გარდა არსებობს სხვა მნიშვნელოვანი ფაქტორებიც, როგორაა აღმოსავლეთი და ევრაზიული კონტინენტი. Eეს ნიშნავს, იმას რომ კვირიკაშვილის დანიშვნა ქვეყნის საგარეო ვექტორის ცვლილებას უკავშირდება და საგარეო უწყება საგარეო პოლიტიკური პრიორიტეტების შეცვლაზე ფიქრობს. თუ ეს ასე არ არის, მაშინ საგარეო საქმეთა ახალ მინისტრს საერთოდ წარმოდგენა არ აქვს რაზე ლაპარაკობს. თუმცა, თუ ის გაცნობიერებულად საუბრობს ამ თემაზე, ნიშნავს, რომ მას კონკრეტული დავალება აქვს, რომ შეიცვალოს საგარეო პოლიტიკური ვექტორი და დასავლურ კურსს მინიმუმ გადაიხედოს”, _ განაცხადა ,,ჯი-ეიჩ-ენთან” საუბარში კალანდაძემ.
მისივე თქმით, ხელისუფლებას არ ესმის ქვეყნის საგარეო პოლიტიკის მნიშვნელობა.
,,საგარეო საქმეთა მინისტრის ახალი კადრით ჩანაცვლება, როცა ხდება როგოც წესი კონკრეტული საერთაშორისო გზავნილია.Aამ შემთხვევაში კი რა გზავნილზე ვსაუბრობთ? - ეკონომიკის სამინისტროს წარუმატებელი მინისტრი ხდება საქართველოს საგარეო პოლიტიკის განმსაზღვრელი, პირი რომელსაც არანაირი საერთაშორისო დიპლომატიური გამოცდილება არ აქვს. Eეს იმას ნიშნავს, რომ უკეთეს შემთხვევაში საქართველოს ხელისუფლებას არ ესმის ქვეყნის საგარეო პოლიტიკის მნიშვნელობა და საერთოდ არ ადარდებს საგარეო საქმეთა სამინისტროს როლი”, _განაცხადა კალანდაძემ.
შეგახსენებთ, რომ გიორგი კვირიკაშვილმა ეკონომიკის სამინიტროდან საგარეო უწყებაში გადაინაცვა. როგორც კვირიკაშვილმა აღნიშნა ბრწყინვალე პოლიტიკური ურთიერთობები, რომელიც საქართველოს დასავლეთთან გააჩნია, ტნასფორმირებული უნდა იქნას ასეთივე დონის ეკონომიკურ ურთიერთობებში.
” ძალიან დიდი პატივია წარმოადგენდე საქართველოს უცხოეთში და მაქსიმალურად შევეცდები, რომ საუკეთესო კუთხით წარმოვაჩინოთ ერთობლივად ჩვენი ქვეყანა. რა თქმა უნდა, ის პოლიტიკური დღის წესრიგი, რომელიც საქარველოს აქვს - ევროპული და ევრო ატლანტიკური ინტეგრაცია იქნება პრიორიტეტი. ასევე, განსაკუთრებული აცქენტი გაკეთდება ეკონომიკურ ურთიერთობებზე. ბრწყინვალე პოლიტიკური ურთიერთობები, რომელიც საქართველოს დასავლეთთან გააჩნია ტნასფორმირებული იქნას ასეთივე დონის ეკონომიკურ ურთიერთობებში. ეს იქნება პირველი პრიორიტეტი. თუმცა, ძალიან ბევრი საინტერესო რამ ხდება მსოფლიოში გარდა პროდასავლური მიმართულებისა. ეს არის აღმოსავლეთთან ურთიერთობები, ახალი მოვლენები ევრაზიის კონტინენტზე. ჩვენ მაქსიმალურად შევეცდებით, ყველა ამ საინტერესო მოვლენის მაქსიმალური ტრანსფორმაცია მოხდეს საქართველოსთვის, როგორც პოლიტიკური, ასევე ეკონომიკური კუთხით”, _ აცხადებს გიორგი კვირიკაშვილი.
