ეკონიმიკის საკითხებში ექპერტის სოსო ცისკარიშვილი გიორგი კვირიკაშვილის საგარეო საქმეთა მინისტრად გადაყვანის აუცილებლობას ვერ ხედავს. მისი შეფასებით, ეკონომიკური დიპლომატია საერთაშორისო ურთიერთობებში აქამდეც წამყვანი დარგი იყო.
,,აუცილებლობას, რომ ეკონომიკური დიპლომატიის განვითარებისთვის საჭირო ყოფილიყო ეკონომიკის მინისტრის საგარეო საქმეთა მინისტრად დანიშვნა - მე ვერ ვხედავ. ეკონომიკური დიპლომატია უკვე კარგა ხანია არის წამყვანი დარგი საერთაშორისო ურთიერთობებში. ვიცე პრემიერს უნდა ჰქონოდა თავის დროზე საშუალება, რომ მარტივად მიეღო ინფორმაციები, გაეცა დავალებები, რაც ასე არ იყო. ამ გადაწყვეტილების მიზეზი სადმე სხვაგან, ცოტა უფრო შორს უნდა ვეძებოთ, ვიდრე ეს გადმოცემული იყო პრემიერ მინისტრისგან” - განაცხად ცისკარიშვილმა.
რაც შეეხება, საგარეო საქმეთა ახალი მინისტრის განცხადებას, გარდა პროდასავლური მიმართულებისა ევრაზიის კონტინენტზე მიმდინარე მოვლენებთან ტრანსფორმაციის თაობაზე, ექსპერტი აცხადებს, რომ მოვლენებს უნდა დავაკვირდეთ.
,,დეტალებს ვერ გეტყვით, დავაკვირდეთ მოვლენებს. გიორგი კვირიკაშვილი ერთ- ერთია, რომლის მოქმედება მიმართულია დასავლეთისკენ და მისი განცხადება არანაირ ეჭვს არ აღმიძრავს”, _ აცხადებს სოსო ცისკარიშვილი.