ყოფილი ფეხბურთელი, ენერგეტიკის მინისტრი კახა კალაძე მიიჩნევს, რომ ფეხბურთის ფედერაციის პრეზიდენტის არჩევნებში სახელმწიფო უნდა ჩაერიოს, წინააღმდეგ შემთხვევაში პრობლემები ისევ იქნება.
როგორც გაზეთ "პრაიმტაიმთან" ინტერვიუში ვიცე-პრემიერმა განაცახადა, ფეხბურთის ფედერაციაში წლების მანძილზე ჭაობია.
,,სახელმწიფო რომ არ ჩაერიოს, ეს იქნება დანაშაული და პრობლემა. სახელმწიფო, ყოველწლიურად, დაახლოებით, 40 მილიონზე მეტს ხარჯავს ქართულ ფეხბურთში. დღეს, ეტყობა ქართულ ფეხბურთს რაიმე, რომ 40 მილიონი ლარი იხარჯება? ის, რაც ხდება ფეხბურთის ფედერაციაში, ის ჭაობი, რაც არის, უნდა დავასრულოთ ერთიანი ძალისხმევით. უნდა იყოს ჩართული არა მარტო ხელისუფლება, მთლიანად, საფეხბურთო სამყარო, გულშემატკივარი, რადგან ის მძიმე მდგომარეობა, წლებია მოგვდევს და ყოველ წელს იქმნება შთაბეჭდილება, რომ მომავალი წელი იქნება კარგი, გვექნება სიახლე, განვვითარდებით, პირიქით, ჭაობში მივდივართ. ეს არის ძალიან მძიმე და უნდა შევცვალოთ", - აღნიშნა კალაძემ.
