ნარკოტიკული ნივთიერების შემცველი მედიკამენტების შემოტანის მცდელობები აღკვეთეს საბაჟო გამშვები პუნქტის „ვალეს“ მებაჟე ოფიცრებმა 24 ივლისს. ირანის მოქალაქე ე.მ.-ის ხელბარგის დათვალიერებისას, მათ 8 აბი Acetaminophen codeine, ხოლო ბელგიის მოქალაქე ა.ჰ.-ის ხელბარგის დათვალიერებისას Tramadol (40 აბი) და Zaldiar (10 აბი) აღმოაჩინეს. ორივე საქმის მასალები შემდგომი რეაგირებისთვის გადაეცა შსს საპატრულო პოლიციის დეპარტამენტის სამცხე-ჯავახეთის მთავარი სამმართველოს საგამოძიებო განყოფილებას.