შინაგან საქმეთა მინისტრის ახალი კანდიდატურა შერჩეულია, - ამის შესახებ, მინისტრთა კაბინეტის წევრები აცხადებენ, თუმცა ვინაობას არ აკონკრეტებენ.
მათი განმარტებით, შს მინისტრის ვინაობას თავად პრემიერი დაასახელებს.
,,კანდიდატი ბუნებრივია არის და მას პრემიერ-მინისტრი დაასახელებს თვითონ”, _განაცხადა ჟურნალისტებთან ოკუპირებული ტერიტორიებიდან იძულებით გადააადგილებულ პირთა ლტოლვილთა და განსახლების მინისტრმა სოზარ სუბარმა.
ღარიბაშვილი ახალ მინისტრს, როგორც თავად განაცხადა პირველ აგვისტომდე წარადგენს.
მანამდე კი მის მოვალეობას ისევ ვახტანგ გომელაური შეასრულებს, რომელიც ერთი კვირის წინ პარლამენტმა უსაფრთხოების სამსახურის ხელმძღვანელად დაამტკიცა 6 წლის ვადით.