იუსტიციის მინისტრის მოადგილე ალექსანდრე ბარამიძე რუსეთის იუსტიციის სამინისტროს განცხადების შეფასებისას აცხადებს, რომ იგი უშუალოდ ამ საკითხს არ კურირებს თუმცა, ინფორმაციას პროცესთან დაკავშირებით ფლობს.
"მე ამას არ ვკურირებ იუსტიციაში ამ სფეროს რომელიც ამაზე აგებს პასუხს, თუმცა მუშაობა მიმდინარეობდა. იცით, რომ ოფიციალური მოთხოვნა არის 70 მილიონი ევრო დაახლოებით. ამ შემთხვევაში ევროპული სასამართლო იქნება გამოყენებული შუამავლად იმისთვის, რომ დარეგულირდეს ეს საკითხები. რასაკვირველია იყო გარკვეული მცდელობები, რომ პროცედურით გათვალისწინებული ნაბიჯები გადადგმულიყო," - აცხადებს ალექსანდრე ბარამიძე.
მოსკოვს 2006 წელს ქართველების მასობრივი დეპორტაციის საქმეზე კომპენსაციის შესახებ ქართული მხარისგან არანაირი მოთხოვნა არ მიუღია.
ინფორმაციას ,,რია ნოვოსტი” რუსეთის იუსტიციის სამინისტროზე დაყრდნობით ავრცელებს.
თბილისი მოსკოვისგან 70 მილიონ 300 ათას ევროს ითხოვს.
რუსეთის იუსტიციის სამინისტროში აცხადებენ, რომ 2015 წლის 6 ივლისის მდგომარეობით, რუსეთის მისამართით საქართველოს ხელისუფლების მხრიდან კომპენსაციების გადახდის შესახებ მოთხოვნა არ შესულა.
უწყების განცხადებით, რუსეთის პოზიცია ამ საკითხთან დაკავშირებით მხოლოდ მას შემდეგ გახმოვანდება, როცა სტრასბურგის სასამართლო მოსკოვს ოფიციალურად გააცნობს ქართული მხარეს წინადადებებს.