წინა ხელისუფლებამ საქმე მოიგო, სამწუხაროდ, ეს ხელისუფლება აღსრულებას ვერ ახერხებს, - ასე გამოეხმაურა რუსეთის იუსიტიციის სამინისტროში გაკეთებულ განცხადებას საქართველოს იუსტიციის მინისტრის ყოფილი მოადგილე თეა ბურჯალიანი.
მისივე თქმით, რუსეთისგან თანხის მიღებაზე ან მექანიზმე თანხმობის მიღება შეუძლებელი იყო 12 თვის წინაც და დღესაც.
"წინა ხელისუფლებამ რუსეთის წინააღმდეგ ეს საქმე მოიგო ეს ხელისუფლება კი ვერ ახერხებს მოგებული საქმის აღსრულებას ვერ ახერხებს. ეს კი ძალიან სამწუხაროა. რუსეთისგან თანხის მიღებაზე ან მექანიზმე თანხმობის მიღება შეუძლებელი იყო 12 თვის წინაც და დღესაც. ჩემთვის სამწუხარო ის, რომ პირდაპირი კომუნიკაციის მცდელობა საქართველოდან არ იყო და იუსტიციის სამინისტრო დაელოდა 12 თვის ამოწურვას. ამის საჭიროება არ არსებობდა. დიპლომატიური ურთიერთობების არ ქონა არ ნიშნავს იმას, რომ მხარეებს შორის კომუნიკაციაა შეუძლებელია. ოფიციალური შუამავალი ქვეყნებს შორის არის შვეიცარიის საელჩო. ამ ხელისუფლებიდან იმაზე ლაპარაკი, რომ დიპლომატიური ურთიერთობები არ გვაქვს და ვერ დაველაპარაკეთო წარმოუდგენელია, ისინი ყველაფერზე ელეპარაკებიან რაზეც უნდათ,"- აცხადებს საქართველოს იუსტიციის მინისტრის ყოფილი მოადგილე თინა ბურჯალიანი ,,რუსთავი-2”-თან საუბარში.
მოსკოვს 2006 წელს ქართველების მასობრივი დეპორტაციის საქმეზე კომპენსაციის შესახებ ქართული მხარისგან არანაირი მოთხოვნა არ მიუღია. ინფორმაციას ,,რია ნოვოსტი” რუსეთის იუსტიციის სამინისტროზე დაყრდნობით ავრცელებს.
თბილისი მოსკოვისგან 70 მილიონ 300 ათას ევროს ითხოვს.
რუსეთის იუსტიციის სამინისტროში აცხადებენ, რომ 2015 წლის 6 ივლისის მდგომარეობით, რუსეთის მისამართით საქართველოს ხელისუფლების მხრიდან კომპენსაციების გადახდის შესახებ მოთხოვნა არ შესულა.
უწყების განცხადებით, რუსეთის პოზიცია ამ საკითხთან დაკავშირებით მხოლოდ მას შემდეგ გახმოვანდება, როცა სტრასბურგის სასამართლო მოსკოვს ოფიციალურად გააცნობს ქართული მხარეს წინადადებებს.