პრემიერ-მინისტრი ბიზნესმენებს ასანთის და ბოთლის წარმოებისკენ მოუწოდებს. როგორც მან პროგრამის- ,,აწარმოე საქართველოში” შემაჯამებელ ღონისძიებაზე განაცხადა, ადრე სახელმწიფოს მხრიდან არ იყო ნება განვითარებულიყო ადგილობრივი წარმოება.
,, რა გვიდგას წინ თუნდაც იმისთვის, რომ ქვეყანაში არ არის ასანთის წარმოება. რაც არის ელემენტარული, ამას სჭირდება 20 კვადრატული მეტრის საწარმოს დადგმა. რა გვიდგას წინ, რომ ქვეყანა, რომელიც მილიონობით ბოთლ წყალს აწარმოებს, ბოთლი შემოგვაქვს სხვა სახელმწიფოებიდან. რატომ არ შეგვიძლია, რომ თუნდაც ბოთლების წარმოება დავიწყოთ აქ. ამ მაგალითების მოყვანით მე მინდა ხაზი გავუსვა შემდეგს, რომ არ იყო სახელმწიფოს მხრიდან ნება, განვითარებულიყო ადგილობრივი წარმოება. მაგრამ ჩვენ პირობებში ეს ნება არის გამოხატული სახელმწიფო პროგრამით "აწარმოე საქართველოში", - აღნიშნა ირაკლი ღარიბაშვილმა.
საგამოფენო ცენტრ „ექსპო-ჯორჯიაში“ სახელმწიფო პროგრამის - „აწარმოე საქართველოში“ ერთი წლის შემაჯამებელი ღონისძიება გაიმართა, რომელიც პრემიერ-მინისტრმა ირაკლი ღარიბაშვილმა გახსნა.
