საქართველოს ეკონომიკისა და მდგრადი განვითარების სამინისტროს მეწარმეობის განვითარების სააგენტოს კოორდინირებით, ქართულმა კომპანიებმა ნიუ-იორკში, ამერიკის უმსხვილეს და წამყვან,საკვები პროდუქციის საგამოფენო შოუზე “The Summer Fancy Food Show 2015” ეროვნული ნაწარმი წარადგინეს.
Javits Center-ში გამართული საგამოფენო შოუ ერთ-ერთი პრესტიჟული,კვების ინდუსტრიის ინოვატორ წარმომადგენელთა თავშეყრის ადგილია, სადაცმეწარმეები, ბაიერები და საზოგადოებრივი აზრის ლიდერები სამი დღის განმავლობაში ქვეყნების ახალი კუთხით აღმოჩენის მიზნით იკრიბებიან, საერთო ჯამში კი ღონისძიებაში მონაწილეობა 2,500 კომპანიამ და 25,000 მყიდველმა მიიღო.
2015 წლის საგამოფენო შოუს ფარგლებში საქართველომ ტრადიციულიპროდუქცია ახლებური, ინოვაციური სახით წარადგინადამეწარმეობის განვითარების სააგენტოს მხარდაჭერითქართული სტენდის ქვეშ წვენების, ჩაის, თხილის და ასევე კვების მრეწველობაში მოღვაწე ქართული კომპანიების პროდუქცია განათავსა. ღონისძიებაშიმონაწილეობდნენ „არომაპროდუქტი“ (ხილის წვენები, ჯემები, სოუსები, ხილი სიროფში); „კულა“(საკონსერვო პროდუქცია, ხილის წვენები, ჯემები, მურაბები, კომპოტები);„გეოპლანტი“ (სხვადასხვა სახეობის ქართული ჩაი); „ჯორჯიანპროდაქტსრენესანსი“ (მოხალული დამარილებული თხილი ნაჭუჭით, თხილის გული) და „კამპა“ (წვენები).
ღონისძიებამ ქართული მხარისათვის საკმაოდ პროდუქტიულად ჩაიარა. მნიშვნელოვანი კონტაქტები დამყარდა კომპანიებსა და იმპორტიორებს შორის, გამოფენასდადებითი გამოხმაურება მოყვა მედიის მხრიდანაც.
საკვები პროდუქტების საგამოფენო შოუს “The Summer Fancy Food Show” მნიშვნელობა საკმაოდ დიდია, რომელიცსაქართველოს საექსპორტო პოტენციალის ზრდის კუთხით ახალ შესაძლებლობებს უხსნის, ამავდროულად,ქართული პროდუქციის პოპულარიზაციისათვის საჭირო პლატფორმას ქმნის და საერთაშორისო კონტაქტების დამყარების თვალსაზრისით ადგილობრივი კომპანიების წარმომადგენლებს მნიშვნელოვნად უმართავს ხელს.
შოუს ფარგლებში, ეკონომიკისა და მდგრადი განვითარების სამინისტროს მეწარმეობის განვითარების სააგენტოს დაკვეთით შეირჩაადგილობრივი კონსულტანტი,რომელიცქართული კომპანიების წარმომადგენლებისიმპორტიორებთან, ბროკერებთან, დისტრიბუტორებთან და სუპერმარკეტების ქსელების წარმომადგენლებთან შეხვედრას უზრუნველყოფდა. სამდღიანი გამოფენის განმავლობაში თითოეულმა კომპანიამ 50-მდე შეხვედრა გამართა ისეთ კომპანიებთან და ბროკერებთან, როგორებიცაა: Walmart’s, Sam,s Club, Trade Jo’s, the TJX Companies, Fine Foods, Costco Wholesale, Whole Foods.
მთელი წლის განმავლობაში დაგეგმილი გამოფენების ფარგლებში მეწარმეობის განვითარების სააგენტო ქართულ ექსპორტიორ კომპანიებს შესაძლებლობას აძლევსB2B შეხვედრები გამართონ მსოფლიოში უმსხვილესი ქსელების წარმომადგენლებთან.
