ანტიკორუფციული ოპერაციის შედეგად გენპროკურატურის და კიევის რეგიონალური პროკურატურის მაღალჩინოსნების დაკავებას, ოდესის გუბერნატორი გამოეხმაურა. მიხეილ სააკაშვილის თქმით, ამ ოპერაციის მზადების პროცესში, უკრაინის მთავარი პროკურორის მოადგილე დავით საყვარელიძეზე ზეწოლა მიმდინარეობდა, გარკვეული მაღალი თანამდებობის პირები ცდილობდნენ დანაშაულის დაფარვის მიზნით დავით საყვარელიძის წინააღმდეგ საქმე აღეძრათ, თუმცა როგორც სააკაშვილი აღნიშნავს, სპეცოპერაციის წარმატებით დამთავრება საქმეში უკრაინის პრეზიდენტის პეტრო პოროშენკოს დროულმა ჩარევამ უზრუნველყო:
„ახალგაზრდა უკრაინელმა პროკურორებმა უკრაინის პროკურატურის ისტორიაში ყველაზე მასშტაბური ანტიკორუფციული ოპერაცია ჩაატარეს.
დავით საყვარელიძის ხელმძღვანელობით და უშიშროების სამსახურის მეთაურის ვასილ გრიცაკის დახმარებით, ალფას სპეცსამსახურის თანამშრომლებმა შტურმით აიღეს კიევის პროკურატურის შენობა და დააკავეს გენერალური პროკურატურის ორი მაღალი რანგის ხელმძღვანელი პირი. აღმოჩენილი იქნა დიდი რაოდენობით ბრილიანტები და ნახევარ მილიონ დოლარზე მეტი ფული. გუშინდელ დღემდე არ შეწყვეტილა მცდელობა რომ ეს დანაშაული დაფარულიყო და იყო მცდელობა, რომ დავით საყვარელიძის წინააღმდეგ „შენობის უკანონო დაკავების“ გამო საქმე აღძრულიყო, მის პროკურორებს და გამომძიებლებს განუცხადეს, რომ სამსახურიდან გათავისუფლებულნი იყვნენ. დღეს ამ ამაზრზენ ნერვულ ფართხალს წერტილი პრეზიდენტმა პოროშენკომ დაუსვა. ის პირადად ჩაერთო, მხარი დაუჭირა ძიებას და და აკრძალა ძიების საქმეებში ჩარევა, მან მოუწოდა, რომ საქმე ბოლომდე მიეყვანათ იმისდა მიუხედავად თუ ვის შეეხებოდა ის. ისევე როგორც სახელმწიფო ავიაციის სამსახურის შემთხვევაში, პრეზიდენტის რეაქცია იყო ზუსტი და ნათელი. პრეზიდენტია ამ რეაქციის შემდეგ ვიმედოვნებ, რომ ის ხელმძღვანელი პირი, რომელიც აშკარად ცდილობდა დანაშაულის დაფარვას, თავისი ქმედებების გამო პასუხს აგებს. ასევე მე უკვე ვთხოვე სახელმწიფო უსაფრთხოების სამსახურს, ოდესის პროკურატურაში არსებული კორუფციული ფაქტების გამოვლენაც ვთხოვე.
ჩემი მხრიდან მინდა მივულოცო ეს ფაქტი პროკურატურის ახალგაზრდა თანამშრომლებს, რომლებიც სამსახურში არა ჩაწყობით, არამედ კონკურსის მეშვეობით მოხვდნენ. ეს ახალგაზრდა გოგონები და ბიჭები აუცილებლად ააშენებენ კორუფციისგან თავისუფალ ახალ უკრაინას“