როდესაც ორ ადამიანს უნდა ერთად იყოს და ამას ქორწინება ერქვას, იქ სახელმწიფოს არაფერი ესაქმება, - ამის შესახებ საიას თავმჯდომარემ ანა ნაცვლიშვილმა პრემიერ-მინისტრის მიერ, ერთსქესიანთა ქორწინების შესახებ გაკეთებული განცხადების კომენტირებისას აღნიშნა.
მისივე თქმით, სახელმწიფო და კანონი ვალდებულია უზრუნველყოს ყველა ადამიანის თანასწორობა.
,,როდესაც ორ ადამიანს უნდა ერთად იყოს და ამას ქორწინება ერქვას, აქ სახელმწიფოს არ ესაქმება. რა თქმა უნდა კერძო პირებს, ეკლესიას, შეიძლება ჰქონდეთ მოსაზრება, მაგრამ ეს მათი არჩევანია, მაგრამ, სახელმწიფო და კანონი ვალდებულია უზრუნველყოს ყველა ადამიანის თანასწორობა. სახელმწიფოს პოლიტიკა და კანონმდებლობა არ შეიძლება იყოს ისეთი რომელიც რაიმე ნიშნით ვინმეს აფიქრებინებს, რომ ის არის მეორე ხარისხოვანი ადამიანი და მოქალაქე, - აცხადებს ანა ნაცვლიშვილი.
,,ყველაფერს გავაკეთებ, რათა კონსტიტუციაში გაკეთდეს ჩანაწერი, რომ ქორწინება და ოჯახი არის ქალისა და მამაკაცის ერთობა” - ამის შესახებ პრემიერ-მინისტრმა ირაკლი ღარიბაშვილმა განაცხადა. მისი თქმით, მსოფლიოში ყველა სახელმწიფო ამ საკითხს თავისებურად წყვეტს და საქართველომაც თავისებურად უნდა მოაგვაროს.
