საქართველოს პრემიერ-მინისტრი ირაკლი ღარიბაშვილი იტალიელ კოლეგას მატეო რენცის და იტალიელ ხალხს, ეროვნულ დღესასწაულს - რესპუბლიკის დღეს ულოცავს.
„საქართველო აფასებს მეგობრულ ურთიერთობებს იტალიასთან, ევროკავშირის ერთ-ერთ ლიდერ ქვეყანასთან. ჩვენთვის მეტად მნიშვნელოვანია თქვენი მტკიცე მხარდაჭერა საქართველოს სუვერენიტეტისა და ტერიტორიული მთლიანობის, ასევე - ჩვენი ევროპული და ევროატლანტიკური მისწრაფებებისადმი.
დარწმუნებული ვარ, რომ ურთიერთობები ჩვენს სახელმწიფოებს შორის კიდევ უფრო გაღრმავდება და გადაიზრდება ფართომასშტაბიან პარტნიორობაში ორივე ქვეყნის სასარგებლოდ. გისურვებთ ყოველივე საუკეთესოს პირადად თქვენ და იტალიელ ხალხს“, - ნათქვამია ირაკლი ღარიბაშვილის მილოცვაში.
