საქართველოს პრეზიდენტი გიორგი მარგველაშვილი მიიჩნევს, რომ სახალხო დამცველის უფლებები და ის მექანიზმები, რომლითაც იგი საქმიანობას ახორციელებს, უნდა გაიზარდოს.
"თუნდაც ერთი მაგალითი, ეს არის პენიტენციურ სისტემაში სახალხო დამცველის აპარატის თანამშრომელთა მოქმედების კანონით უფრო გაზრდა და გაფართოება, ეს არის აუცილებელი", - განაცხადა პრეზიდენტმა სასტუმრო "ქორთიარდ მარიოტში" სახალხო დამცველის აპარატის მიერ ორგანიზებულ ადამიანის უფლებათა დაცვის საკითხებზე გამართული დებატებზე.
მან ასევე მადლობა გადაუხადა სახალხო დამცველს და მის აპარატს კარგი მუშაობისათვის.
"კონსტიტუციის ახალი რედაქციით, პრეზიდენტი წარმოადგენს გარკვეული ბალანსის დამცველს სახელმწიფო ინსტიტუტებს შორის. ეს დამოკიდებულება მე არ მაქვს მხოლოდ საპარლამენტო, აღმასრულებელ და სასამართლო ხელისუფლების მიმართ, ზუსტად იგივე რიგში მე ვაყენებ სახალხო დამცველის აპარატსაც. მაშინ. როდესაც თითოეულ უწყებას თავისი კონკრეტული ვალდებულება გააჩნია, იგივე ვალდებულება გააჩნია სახალხო დამცველსაც", - დასძინა პრეზიდენტმა.