საქართველოს სახალხო დამცველი უჩა ნანუაშვილი მიიჩნევს, რომ მარიხუანასთან დაკავშირებით საკანონმდებლო ორგანომ გარკვეული ნაბიჯები უნდა გადადგას.
„ზოგადად, კანონმდებლობის ლიბერალიზაცია გარკვეულწილად რომ საჭიროა, ფაქტია. ძალიან ბევრი ადამიანი, ნარკომომხმარებელი, სამწუხაროდ, დღესაც გისოსებს მიღმაა და ამ მხრივ ვფიქრობ, არის პრობლემა ქვეყანაში და პარლამენტმა რაღაც ნაბიჯები უნდა გადადგას, რომ გარკვეულწილად შემსუბუქდეს“, - განაცხადა ნანუაშვილმა.
პარლამენტში მარიხუანას დეკრიმინალიზების შესახებ კანონპროექტი დარეგისტრირებულია.
