თავდაცვის მინისტრის თინა ხიდაშელის განცხადებით, ათონელის რეზიდენცია არის მზადყოფნაში და პატრონს ელოდება. ამის შესახებ მან მთავრობის სხდომის დასრულების შემდეგ ჟურნალისტებთან განაცხადა.
,,პრემიერის განცხადება დღეს ძალიან ნათელი და გასაგები იყო, რომ ეს არის სამართლებრივი სივრცე, სადაც ეკონომიკის სამინისტროზეა გადაცემული რეზიდენცია. ის არის მზადყოფნაში, დასრულებულია და ელოდება პატრონს. ახლა უკვე პატრონის გადასაწყვეტია, მას მიიღებს თუ არა,“ - აღნიშნა თინათინ ხიდაშელმა.
რაც შეეხება საკუთარ პოზიციას პრეზიდენტის გადასვლასთან დაკავშირებით, მინისტრმა განაცხადა, რომ ამის შესახებ ბევრჯერ აქვს განცხადება გაკეთებული და ჟურნალისტებს შეუძლიათ არქივით ისარგებლინ.
პრემიერ-მინისტრმა ირაკლი ღარიბაშვილმა დღეს მთავრობის სხდომაზე იმედი გამოთქვა, რომ პრეზიდენტი გიორგი მარგველაშვილი ათონელის რეზიდენციაში გადასვლასთან დაკავშირებით გონივრულ გადაწყვეტილებას მიიღებს.