,,ნაციონალური მოძრაობის” წევრი პეტრე ცისკარიშვილი მიიჩნევს, რომ მისი ყოფილი თანაგუნდელები ხელისუფლებას არ გაურიგდებიან, თუმცა, აქვე აცხადებს, რომ მათ თანაპარტიელები ბრძოლის ველზე მიატოვეს.
„მე არანაირი კონფლიქტის მომსწრე არ ვყოფილვარ, არც გამიგია ამ ტიპის კონფლიქტების ან რაიმე წუხილების შესახებ. მათ ურთულეს ბრძოლაში ბრძოლის ველზე მიგვატოვეს,მე არ ვფიქრობ, რომ ისინი ამ მარიონეტულ ხელისუფლებას შეეკვრნენ ან აპირებენ მათთან თანამშრომლობას, მათ მხარეზე გადასვლას. ეს არ მინდა დავიჯერო და დარწმუნებული ვარ, არც იქნება ასე," - აცხადებს პეტრე ცისკარიშვილი და დასძენს, რომ ,,ნაციონალური მოძრაობის” დატოვებას სხვა თანაპარტიელების მხრიდან არ ელოდება.
შეგახსენებთ, რომ ,,ნაცმოძრაობა” ზურაბ ჯაფარიძემ, პავლე კუბლაშვილმა, გოგა ხაჩიძემ და გიორგი მელაძემ დატოვეს. ,,ნაცმოძრაობის” ლიდერების წავლის შესახებ განმარტებები ხვალ გაკეთდება.