ნატო-ს გაფართოების პრინციპი იმაში მდგომარეობს, რომ ყველა ქვეყანას საკუთარი გზის არჩევა თავად შეუძლია. ამის შესახებ ჩრდილოატლანტიკური ალიანსის გენერალურმა მდივანმა იენს სტოლტენბერგმა რუსული ნოვაია გაზეტასთვის მიცემულ ინტერვიუში განაცხადა.
"როდესაც რომელიმე ქვეყანა ნატო-ს წევრობაზე განაცხადს აკეთებს, ჩვენ მას განვიხილავთ და ალიანსის ყველა წევრი იღებს გადაწყვეტილებას, მოვიწვიოთ ის თუ არა. ჩვენ ზუსტად ასე ვმოქმედებთ საქართველოსთან მიმართებით, რომელთანაც სრული თანამშრომლობა გვაქვს", - აღნიშნა სტოლტებერგმა. მისი თქმით, თუ განაცხადს უკრაინა შემოიტანს, ალიანსი მასაც განიხილავს.
"გადაწყვეტილებას ალიანსის წევრები კოლექტიურად იღებენ, და არავის აქვს მასში ჩარევისა და ვეტოს უფლება, - აღნიშნა ნატო-ს გენერალურმა მდივანმა.