27 მაისს, 11:00 საათზე, ფინანსთა სამინისტროს აკადემიაში, ევროკავშირის მიერ დაფინანსებული საჯარო სამსახურების დაძმობილების (TWINNING) პროექტის „საქართველოს ფინანსთა სამინისტროს აკადემიის შესაძლებლობების გაძლიერება“ დახურვის ცერემონია გაიმართება.
ღონისძიებას ფინანსთა მინისტრი ნოდარ ხადური, ევროკავშირის ელჩი საქართველოში იანოშ ჰერმანი, ფინეთის ელჩი საქართველოში კრისტერ მიკელსონი, ესტონეთის ელჩი საქართველოში პრიტ ტურკი და ფინანსთა სამინისტროს აკადემიის დირექტორი თამარ ჯაფარიძე დაესწრებიან.
