"ნაციონალური მოძრაობის" წევრებს დღეს პარტიაში მიმდინარე პროცესებზე საუბარი არ სურთ. თანაპარტიელებთან ერთად, დამოუკიდებლობის დღისადმი მიძღვნილ ღონისძიებებზე დასასწრებად მოსულმა, ენმ-ის საგარეო ურთიერთობათა მდივანმა გიგა ბოკერიამ ჟურნალისტებს სთხოვა, დღეს ნუ დაუსვამენ კითხვებს აღნიშნულ საკითხზე.
,,სერიოზულად ამ საკითხზე რა უნდა ვთქვა.. უკვე გავაკეთე კომენტარები ამ თემაზე და 26 მაისს ამაზე უფრო ვრცლად ნუ მასაუბრებთ, ძალიან გთხოვთ", - განაცხადა ბოკერიამ მისი პარტიიდან წასვლასთან დაკავშირებით გავრცელებული ინფორმაციის კომენტირებისას.
რაც შეეხება პარტიის იმ წევრებს, რომლებმაც "ნაციონალური მოძრაობა" გუშინ დატოვეს, გიგა ბოკერია აცხადებს, რომ 26 მაისს ამ თემაზე საუბარი არ სურს.
რაც შეეხება "ნაცილნალური მოძრაობის" სხვა წევრებს, ისინი აცხადებენ, რომ არ ფლობენ ინფორმაციას, თუ რა მიზეზით და სად წავიდნენ პავლე კუბლაშვილი, გიორგი მელაძე, ზურაბ ჯაფარიძე, გოგა ხაჩიძე.
პარტიის წევრებმა თანაპარტიელების წასვლის მიზეზად, გუშინ ოლიგარქის მხრიდან განხორციელებული ზეწოლა დაასახელეს. თავად, ყოფილი ნაციონალები კი სპეციალური განცხადების გაკეთებას ხვალისთვის გეგმავენ.
