ექსპერტი უსაფრთხოების საკითხებში ხათუნა ლაგაზიძე აცხადებს, რომ მისთვის უცნობია რამ გამოიწვია ამ ეტაპზე ,,ნაციონალური მოძრაობის” რღვევა. თუმცა, ,,ჯი-ეიჩ-ენთან” საუბარში ლაგაზიძე ამბობს, რომ ,,ნაციონალები' თუ მარტივ მამრავლებად დაიშლებიან ეს გაზრდის სახელისუფლო ძალის შანსებს, პარლამენტში განსაკუთრებული დაძაბვის გარეშე მოიპოვონ უმრავლესობა.
,,ნაციონალების” ხელისუფლებაში ყოფნის პერიოდში და განსაკუთრებით ხელისუფლების მიღმა ყოფნის დროს, მათი ძალა ერთობაში იყო. ამჯერად, როგორც ჩანს, ერთობა დაირღვა.რაც უფრო მარტივ მამრავლებად დაიშლება ,,ნაციონალური მოძარაობა”, მით უფრო შემცირდება ცალკე არსებული ჯგუფების შანსი, გადალახონ სარჩევნო ბარიერი. სხვა საკითხია თუ პარტიიდან ცალკეული პიროვნებები წამოვლენ და ცალკე პოლიტიკურ გაერთიანებას აღარ შექმნიან. ამით, ,,ნაციონალური მოძრაობა” დარჩება როგორც ერთიანი სტრუქტურა, ამ შემთხვევაში შეიძლება რამდენიმე ადამიანის პარტიიდან წასვლამ ,,ნაციონალაბის' მომავალზე გავლენა ვერ მოახდინოს. მაგრამ, ,,ნაციონალური მოძრაობა”, სხვადასხვა პარტიებად თუ დაიშლება, ეს ამ პარტიების ამოცანას - გადალახონ საარჩევნო ბარიერი, გაცილებით გაართულებს. რეალურად ეს გაზრდის სახელისუფო ძალის შანსებს, პარლამენტში განსაკუთრებული დაძაბვის გარეშე მოიპოვონ უმრავლესობა და შესბამისად დააკომპლექტონ მთავრობა. ”, -აცხადებს ლაგაზიძე.
მისივე განცხადებით, ძირითადი პოლიტიკური ძალა, რომელიც ხელისუფლების რეიტინგის დაცემაზე მუშაობდა ,,ნაციონალური მოძრაობა” იყო, ძალიან მწყობრი კამპანიით.
,,სხვა პარტიები ცხადია დარჩებიან ამ პოლიტიკურ ველზე, მაგრამ მთავარი მოთამაშე ,,ნაციონალების” სახით, რომელსაც აქვს მწყობრი საინფორმაციო პოლიტიკა სახელისუფლება გუნდის მიმართ, ასეთი სახვა პოლიტიკური ძალა არ ჩანს. ამიტომ ვამბობ, რომ განსაკუთრებული დაძაბვის გარეშე, ხელისუფლებას შეეძლება მომავ არჩევნებზე გამოსვლა. ეს არ ნიშნავს, რომ პარლამენტი მრავალპარტიული არ იქნება, მაგრამ მასში შესული პარტიები გაცილებით სუსტად იქნებიან წარმოდგენილი, ვიდრე ხელისუფლება.
ერთადერთი, შეიძლება ვიფიქროთ, რომ თუ "ოცნების" მომავალი, მთავარი, წინასაარჩვენო მესიჯი კვლავ "ნაციონალების", როგორც საფრთხის განეიტრალება უნდა ყოფილიყო - ასეთ შემთხვევაში, "ნაციონალების" რეინკარნაციის საფრთხე აღარ იქნება და "ოცნებასაც" გაუჭირდება ამომრჩევლის მობილიზება, მაგრამ არა იმაზე მეტად, ვიდრე პოლიტიკურ ველზე წარმოდგენილ სუსტ ოპოზიციურ პარტიებს” - განაცხადა ლაგაზიძემ.