თავდაცვის ყოფილი მინისტრი მინდია ჯანელიძე დარწმუნებულია, რომ ყველა პროექტი და გეგმა გაგრძელდება, რომელიც ჯარის შესაძლებლობებს გააძლიერებს. ამის შესახებ მან ჟურნალისტებს თინა ხიდაშელთან შეხვედრის შემდეგ განუცხადა.
,,დღეს ახალ მინისტრთან ერთად შევხვდით ხელმძღვანელობას. ეს იყო გაცნობითი ხასიათის შეხვედრა. ქალბატონ თინასთან მანამდეც მქონდა შეხვედრა და გავცვალეთ მოსაზრებები. ძირითადი პროცესებისა და ჩვენი შეხედულებების შესახებ ვისაუბრეთ. მე დარწმუნებული ვარ, რომ ყველა ის პროექტი და გეგმა გაგრძელდება და მივა ბოლომდე, რაც გააძლიერებს ჩვენი ჯარის შესაძლებლობებს და ვფიქრობ, ყველაფერი იქნება კარგად", - აღნიშნა ჯანელიძემ.