2015 წლის პირველ კვარტალში ევროპის აეროკოსმოსური კომპანია Airbus Group NV-ის წმინდა მოგება 80%-ით გაიზარდა, რაც თავის მხრივ Dassault Aviation-ის გაყიდვებს უკავშირდება.
კომპანიის ინფორმაციით, 2015 წლის იანვარ-მარტში Airbus-ს წმინდა მოგებამ 792მლნ ევრო შეადგინა. ესიმ ფონზე, როდესაც გასული წლის ანალოგიურ პერიოდში წმინდა მოგება 439 მლნ ევრო იყო. Dassault-ის აქციათა 17,5 %-ის გაყიდვიდან კი შემოსავალმა 697 მლნ ევრო შეადგინა.
თუმცაღა პირველ კვარტალში Airbus -ის შემოსავალმა 3,9%-ით იკლო და 12,1 მლრდ ევრო შეადგინა.
კვარტლის განმავლობაში Airbus-მა 101 ლაინერზე ახალი დაკვეთა მიიღო, რომლის ბიუჯეტიც დაახლოებით 21 მლრდ ევროა. თუმცა უნდა აღინიშნოს, რომ 2014 წლის პირველ კვარტალში კომპანიას 103 ლაინერზე ქონდა შეკვეთა მიღებული.
იანვარ-მარტში კომპანიამ დამკვეთებს 134 თვითმფრინავი მიაწოდა, როდესაც გასულ წელს აღნიშნული მაჩვენებელი 141 ხომალდს შეადგენდა.
არსებული მონაცემების გათვალისწინებით, Airbus წლის ბოლომდე შეკვეთების ზრდას მოელის და იმედი აქვს, რომ 2015 წელს 2014 წელთან შედარებით უფრო მეტი შეკვეთა ექნება. 2014 წელს კომპანიამ დამკვეთებს სულ 629 ხომალდი მიაწოდეს.
აღსანიშნავია, რომ 2015 წლის იანვარ-მარტში Airbus-ის აქციები 1,2 %-ით გაძვირდა 2015 წლის დასაწყისიდან დღემდე 48,3%-ით გაიზარდა ასევე კომპანიის კაპიტალიზაცია. არსებული ინფორმაციით დღეისათვის Airbus-ის კაპიტალიზაციამ 48,3 მლრდ ევრო შეადგინა.