თავდაცვის მინისტრი თინა ხიდაშელი თავდაცვის სამინისტროში მივიდა და ჟურნალისტებთან საკუთარ მოლოდინებსა და პასუხისმგებლობაზე ესაუბრა.
ხიდაშელი დარწმუნებულია, რომ ის წარმატებული მინისტრი იქნება.
,,მე მაქვს მოლოდინი, რომ ეს იქნება ძალიან წარმატებული მინისტრობის პერიოდი პირველ რიგში ქართული ჯარისთვის და ბუნებრივია, თავდაცვის სამინისტროსთვის. ჩემთვის ძალიან დიდი პატივია, რომ როგოროც თავდაცვის მინისტრმა, შევძლო, ვემსახურო ერთის მხრივ ქართველ ჯარისკაცებს და მეორეს მხრივ საქართველოს ყველაზე უფრო მთავარ და მნიშვნელოვან ინტერესებს." - განაცხადა თინა ხიდაშელმა.
ახალ მინისტრს უწყებაში უკვე ყოფილი ხელმძღვანელი მინდია ჯანელიძე დახვდა, რომელიც პირადად წარუდგენს თინა ხიდაშელს თანამშრომლებს.
შეგახსენებთ, რომ პრემიერის გადაწყვეტილებით თინა ხიდაშელმა მინდია ჯანელიძე გასულ კვირას შეცვალა.