ვიცე-პრემიერმა კახი კალაძემ განაცხადა, რომ მთავრობის გუნდში კონკრეტულ მინისტრებთან დაკავშირებით ცვლილებების შესახებ მსჯელობა ნამდვილად მიმდინარეობდა. მთავრობას ახალ რეალობაში უწევს მოღვაწეობა, ამიტომ იგი ვერანაირ გაუგებრობას ვერ ხედავს იმაში, რომ მან გადაწყვეტილება პრეზიდენტის გარეშე მიიღო. კონსტიტუციიდან გამომდინარე არ იყო იმის აუცილებლობა, რომ კონკრეტული მინისტრების შეცვლა პრეზიდენტთან შეთანხმებული ყოფილიყო.
”დეტალებისგან თავს შევიკავებ, მაგრამ პრეზიდენტი საქმის კურსში იყო. რაც შეეხება თავდაცვის მინისტრის შეცვლას, ეს კოალიციის ინტერესებიდან გამომდინარე მოხდა. თავდაცვის მინსიტრის კანდიდატურის შესახებ პოლიტსაბჭომ იმსჯელა და ერთიანი გადაწყვეტილებაც მიიღო”,- განაცხადა კახი კალაძემ გადაცემა ,,იმედის კვირის" ეთერში