პრემიერ ირაკლი ღარიბაშვილის განცხადებით, საქართველოში ევროპის მე-13 ახალგაზრდული ოლიმპიური ფესტივალის ჩატარება არის ქართველის ხალხისა და ხელისუფლების მიმართ ნდობის გამოხატულება. როგორც ღარიბაშვილმა ,,ექსპო ჯორჯიაში” განაცხადა ხელისულება ყველაფერს აკეთებს დაკისრებული ნდობის გასამართლებლად.
"ჩვენთვის, მთელი საქართველოსთვის, ძალიან დიდი პატივია, რომ ევროპის მე-13 ახალგაზრდული ოლიმპიური ფესტივალი სწორედ ჩვენს დედაქალაქში, თბილისში იმართება. ეს არის საქართველოს ისტორიაში ყველაზე მნიშვნელოვანი და მასშტაბური სპორტული ღონისძიება. თბილისი პოსტსაბჭოთა სივრციდან, პირველია რომელსაც ასეთი პატივი ერგო. ეს არის გამოხატულება ნდობისა ჩვენი ხელისუფლების მიმართ, ჩვენი ქვეყნის მიმართ. ის ფაქტი, რომ თბილისი ამ ფესტივალის მასპინძლად აირჩიეს, ძალიან ბევრს ნიშნავს. ესაა წარმატებაა ჩვენი ქვეყნის. ასე რომ, მინდა, დიდი მადლობა გადაგიხადოთ ამ ნდობისთვის",- განაცხადა ირაკლი ღარიბაშვილმა.
შეგახსენებთ, რომ ,,ექსპო ჯორჯიაში” ევროპის ახალგაზრდული ოლიმპიური ფესტივალის "თბილისი 2015" სამზადისის ფარგლებში სემინარი გახსნა.