ფრაქცია "ნაციონალური მოძრაობა - რეგიონების" ხელმძღვანელი ტარიელ ლონდარიძე მთავრობასა და პრემიერ-მინისტრს პრეზიდენტის უპატივცემულობაში ადანაშაულებს. როგორც დეპუტატმა პარლამენტში გამოსვლისას განაცხადა მთავრობის დღევანდელი გადაწყვეტილება აღიქმება პრეზიდენტის ინსტიტუტის უპატივცემულობად.
"დღეს ნამდვილად აღსანიშნავი დღეა, რომ პრეზიდენტი პარლამენტში იმყოფება. გულდასაწყვეტია, რომ დღეს პარლამენტში არ იმყოფებიან მთავრობის წარმომადგენლები და სკამები ცარიელია. ეს ჩემთვის მიუღებელია. მე მინდა ვთქვა, რომ მთავრობის ეს გადაწყვეტილება აღიქმება მთავრობის მხრიდან პრეზიდენტის ინსტიტუტის უპატივცემულობად,"- აცხადებს ფრაქცია "ნაციონალური მოძრაობა - რეგიონების" ხელმძღვანელი ტარიელ ლონდარიძე.
შეგახსენებთ, რომ პრეზიდენტის გამოსვლას პარლამენტში მთავრობის წევრები და პრემიერი არ დასწრებია.
