2015 წლის თებერვალში, წინა წლის შესაბამის პერიოდთან შედარებით, მთლიანი შიდა პროდუქტის რეალური ზრდის ტემპმა 4,9% შეადგინა, ხოლო 2015 წლის იანვარ-თებერვალში (2015 წლის 2 თვეში), მთლიანი შიდა პროდუქტის საშუალო რეალური ზრდა 2.7%-ს გაუტოლდა“ - ამის შესახებ ჟურნალისტებს დღეს გამართულ ბრიფინგზე ეკონომიკისა და მდგრადი განვითარების მინისტრის მოადგილემ, ირმა ქავთარაძემ განუცხადა.

მინისტრის მოადგილის თქმით, 2015 წლის თებერვალის მონაცემებით, სამეწარმეო სფეროს სტატისტიკის მაჩვენებლებში, ეკონომიკური ზრდის წინასწარი შეფასებებისას გამოყენებული დღგ-ის გადამხდელ საწარმოთა ბრუნვა, წინა წლის შესაბამის თვესთან შედარებით 13,1%-ით გაიზარდა და 3 595,6 მლნ. ლარი შეადგინა, ხოლო ახალდარეგისტრირებულ საწარმოთა რაოდენობა 3 915 ერთეულს გაუტოლდა, რაც 3,0%-ით აღემატება 2014 წლის თებერვლის თვის მონაცემს.

როგორც ბრიფინგზე აღინიშნა, მიმდინარე წლის თებერვალში, მთლიანი შიდა პროდუქტის 4,9%-იანი რეალური ზრდის ძირითადი გამომწვევი ფაქტორებია შემდეგი დარგების ზრდა წინა წლის შესაბამის პერიოდთან შედარებით:

• მშენებლობა - 29% ზრდა;
• ტრანსპორტი - 20% ზრდა;
• საკვები პროდუქტების წარმოება, სასმელების ჩათვლით - 9% ზრდა;
• მრეწველობა - 8% ზრდა;
• ვაჭრობა - 8% ზრდა;
• საფინანსო შუამავლობა - 7,5% ზრდა;

2015 წლის თებერვალში, 2014 წლის თებერვალთან შედარებით, ზრდა ფიქსირდება ასევე შემდეგ სფეროებში:

მრეწველობა:

• ქიმიური მრეწველობა - 47% ზრდა;
• სამშენებლო მასალების წარმოება - 25% ზრდა;
• მეტალურგიული მრეწველობა -17% ზრდა;
• ელ. ენერგიის წარმოება და განაწილება - 10,6% ზრდა.

ვაჭრობა:

• საბითუმო - 9,0% ზრდა;
• საცალო - 6,2% ზრდა

ტრანსპორტი:

• სახმელეთო ტრასპორტი - 26.8% ზრდა;