საქართველოში წარმოებული ქაფშიის, თევზის ზეთისა და თევზის ფქვილის 100 %-ი სამეგრელო-ზემო სვანეთის რეგიონზე მოდის. როგორც სამეგრელო-ზემო სვანეთის ეკონომიკური პოტენციალის კვლევაშია აღნიშნული, რომელიც თავის მხრივ პრემიერ-მინისტრთან არსებულმა ეკონომიკურმა საბჭომ მოამზადა, 2013 წლის მონაცემებით რეგიონში 26,7 ათასი ტონა ქაფშიის გადამუშავება მოხდა, რაც ქვეყნის მთლიანი წარმოების 100 %-ია. აღსანიშნავია, რომ ქაფშიის წარმოების მხრივ ადგილობრივი მიწოდება მოხმარებას აბალანსებს, რადგანაც სტატისტიკური ინფორმაციის მიხედვით ქვეყანაში ქაფშიაზე მოხმარება 26.6 ათას წონას შეადგენს. აღსანიშნავია, რომ საქართველო საზღვარგარეთ ქაფშიის ექსპორტიც ახდენს.
სამეგრელო-ზემო სვანეთის ეკონომიკური პოტენციალის კვლევაშია ასევე აღნიშნულია, რომ სამეგრელო-ზემო სვანეთის რეგიონში 8,1 ათასი ტონა თევზის ზეთის წარმოება ხდება, ეს იმ ფონზე, როდესაც ქვეყანაში შიდა მოხმარება მხოლოდ 0,05 %-ს შეადგენს. სტატისტიკური მონაცემები ცხადყოფს, რომ საქართველოში წარმოებული თევზის ზეთის 100 %-ს სწორედ სამეგრელო-ზემო სვანეთის რეგიონზე მოდის. ასევე რეგიონი მთლიან წარმოებაში 100 %-იანი წილის მფლობელია, თევზის ფქვილის წარმოების კუთხითაც. კვლევის მიხედვით ირკვევა, რომ სამეგრელო-ზემო სვანეთში 3,3 ათასი ტონა თევზის ფქვილის წარმოება ხდება, ეს იმ ფონზე როდესაც ქვეყნის შიდა მოხმარება მხოლოდ 0,15 ათასი ტონაა.
