ნემცოვის მკვლელობა არის რუსეთის დეგრადირების საბოლოო ნიშანი, - ასე აფასებს ოპოზიციის ლიდერის ბორის ნემცოვის მკვლელობას ეკონომიკური განვითარების ცენტრის თავმჯდომარე რომან გოცირიძე.
„არა აქვს მნიშვნელობა, მთავრობამ ჩაიდინა ეს თუ სახელმწიფო პროპაგანდით ზომბირებულმა ფაშისტებმა. საქართვლოს დიდი საფრთხის წინაშეა. ეს არ არის რუსული ტანკები. ეს ის ადამიანებია, რომლებიც ჩვენი ყოველდღიურობის ნაწილია: ვუყურებთ ტელევიზორში, ვართმევთ ხელს, ვუღიმით, ვქეიფობთ ქართულ სუფრებზე და მორალურ ლეგიტიმაციას ვაძლევთ მათ " პოლიტიკურ ორიენტაციას". ზოგი პირდაპირ მოსკოვიდან გვმოძღვრავს. მიუხედავად მათი აშკარა კაგებეშნიკური მიზნებისა, ჩვენი ტელეეკრანების ხშირი სტუმარები არიან და ჩვეულებრივი, განსხვავებული შეხედულების მქონე ქართველების კატეგორიაში გაგვყავს. მათ ქვეყანაში ასეულათასობით მიმდევარი ჰყავთ, რადგან "პოლიტიკური სუბიექტები" არიან. ზოგი მღვდლის ანაფორასაა ამოფარებული, ზოგი ჩოხას, ზოგს ევროპული ბრენდული სამოსი და სამკაულები ნიღბავს. სინამდვილეში ძალაუფლების მოსურნე გაიძვერები არიან ყველაფერი გამოვცადეთ ქართველებმა. სრული სიამოვნებისათვის ესენიღა გვაკლია ახლა“, - აცხადებს გოცირიძე.
