დღეს, 14 საათზე, პარლამენტისს რიგგარეშე სესიაა დანიშნული, სადაც ქვეყანაში შექმნილ ეკონომიკურ კრიზისზე უნდა იმსჯელონ. თუმცა, მმართველი გუნდი სესიაზე დასწრებას არ აპირებს.
მმართველ გუნდში ამბობენ, რომ რიგგარეშე სხდომის ჩატარება არასწორია.
უმრავლესობის ლიდერმა, დავით საგანელიძემ, მას „დემაგოგიისა და პოპულიზმის სხდომა“ უწოდა, ანი მიროტაძემ კი „ნაციონალური თოქ-შოუ“.
ვახტანგ ხმალაძე ამბობს, რომ ამის განხილვა ხვალ მიზანშეწონილი არ არის, რადგან მთავრობამ ითხოვა დრო კრიზისიდან გამოსვლის გეგმის წარმოსადგენად.
„შესაბამისად საუბარი ჯერ არარსებულ გეგმაზე არ იქნება სწორი და ეს სხდომა არ იქნება შედეგის მომტანი,“ - ამბობს ხმალაძე.
რიგგარეშე სხდომაზე დასწრებას აპირებენ „მრეწველები“. ამის შესახებ განცხადება გოგი თოფაძემ გააკეთა.
თუმცა, უმრავლესობის დიდი ნაწილის არდასწრების გამო დიდი ალბათობით ქვორუმის პრობლემა შეიქმნება და სესია ვერ ჩატარდება.
