თბილისში მნიშვნელოვანი სიახლეა - 6 თებერვალს, ქავთარაძის ქუჩაზე, კერძოდ, 21ა-ში, ნატალია კვანტალიანის ქართულ-ჰოლანდიური კლინიკა გაიხსნება. რატომ არის ეს სიახლე მნიშვნელოვანი? _ იმიტომ, რომ ევროსტანდარტების შესაბამისი ლაბორატორია, სადაც კლინიკურ, სეროლოგიურ, იმუნოლოგიურ, ბიოქიმიურ და ბაქტერიოლოგიურ გამოკვლევებს უახლესი აპარატურით პროფესიონალი მედპერსონალი ჩაგიტარებთ, 2-წლიანი დაუღალავი შრომის შედეგია. ასე რომ, ნატალი კვანტალიანის ქართულ-ჰოლანდიურ კლინიკაში, რომელსაც ნათია ტოკლიკიშვილი ხელმძღვანელობს, ყველა დეტალი გათვლილი და აწონილ-დაწონილია.
ყველაფერი კი, ასე დაიწყო: ჰოლანდიური კომპანია ENRAF- Nonius BV და ჰოლანდიის სახელმწიფო ფონდი შტიცჰტინგ Ingenhousz მოწადინებულნი იყვნენ, საქართველოში, როგორც განვითარებად ქვეყანაში, ევროსტანდარტების ლაბორატორია გაეხსნათ (ჰოლანდიას ამ კუთხით დიდი გამოცდილება აქვს) და პარტნიორობა ბიზნესმენ ნატალია კვანტალიანს შესთავაზეს. ქალბატონმა ნატომ, რომელსაც საქართველოში ყველაზე ძველი სისხლის ცენტრალური ბანკის აღდგენააღორძინება უკავშირდება, ჰოლანდიური შეთავაზება მიიღო და ქართულ- ჰოლანდიური პროექტი, რომელშიც სოლიდური ინვესტიცია ჩაიდო, რეალობად აქცია. ,,სამუშაო პროცესს ჰოლანდიური მხარე ყოველთვიურად ამოწმებდა და ყველა ეტაპი პროექტის გეგმის შესაბამისად შესრულდა. სხვათა შორის, ლაბორატორიამ ხარისხის მენეჯმენტის სისტემაში ISO 9001: 2008 სერტიფიკატიც აიღო, რითიც, რა თქმა უნდა, ვამაყობთ', _ აცხადებს ,,ნატალია კვანტალიანის სახელობის სისხლის ცენტრალური ბანკის' დამფუძნებელი და მფლობელი, ბიზნესმენი ნატალია კვატალიანი. კლინიკის დირექტორის, ნათია ტოკლიკიშვილის თქმით, ნატალი კვანტალიანის ქართულ- ჰოლანდიური ლაბორატორია ისეთი თანამედროვე აპარატურითაა აღჭურვილი, როგორიცაა Roche Diagnosics- ის ანალიზატორები და Abbott Architect- ის აპარატი. სხვათა შორის, Abbott Architect- ის აპარატი, რომელიც უსაფრთხო სისხლის პროგრამის ფარგლებში, დონორთა სხვადასხვა ინფექციაზე გამოკვლევას ემსახურება, საქართველოში მხოლოდ ორია. ნათია ტოკლიკიშვილი პროფესიით ექიმი არაა, მაგრამ პროექტში მისი დაწყებისთანავე ჩაერთო. ახლახან კი, ნატალია კვანტალიანმა ქართულ- ჰოლანდიური კლინიკის დირექტორად დანიშნა.
,,მართალია, პროექტში თავიდანვე ჩართული ვარ და დიდი ცოდნა- გამოცდილებაც მივიღე, მაგრამ არ ველოდი, ქალბატონი ნატალია კვანტალიანი ოფიციალურ გახსნამდე კლინიკის დირექტორობას თუ შემომთავაზებდა. მართალია, ექიმი არ ვარ, მაგრამ ამ წინადადებას მაინც დავთანხმდი, რადგან ქალბატონი ნატალისგან აბსოლუტურ მხარდაჭერას ვგრძნობ. ვეცდები, მისი და ჩვენი ლაბორატორიის პროფესიონალთა გუნდის ნდობა გავამართლო', _ ამბობს ნატალია კვანტალიანის ქართულ- ჰოლანდიური კლინიკის ხელმძღვანელი ნათია ტოკლიკიშვილი. ჯანმრთელობა ყველაფერი არაა, მაგრამ ჯანმრთელობის გარეშე ყველაფერი არაფერია, _ ამბობდა მედიცინის ერთ-ერთი ფუძემდებელი. ჰოდა, ნატალია კვანტალიანის ქართულ- ჰოლანდიური კლინიკაც იმიტომ გაიხსნა, ყველაფერი არაფრად რომ არასოდეს იქცეს _ ნატალია კვანტალიანის ქართულ- ჰოლანდიურ კლინიკა- ლაბორტორიაში ჩატარებული სხვადასხვა გამოკვლევისას, ანალიზის ზუსტ, უტყუარ პასუხს მიიღებთ. ასე რომ, ნატალია კვანტალიანის ქართულ- ჰოლანდიური კლინიკა მშვიდი და ჯანსაღი ცხოვრების გარანტიაა!