მსოფლიო ეკონომიკა ჯერ კიდევ საფრთხის ქვეშაა. ამის შესახებ საერთაშორისო სავალუტო ფონდის ხელმძღვანელმა დომინიკ სტროს-კანმა განაცხადა.
მისი აზრით, იმის მიუხედავად, რომ ეკონომიკის სწრაფი ზრდა შეიმჩნევა, კერძო მოთხოვნა ისეთი ძლიერი არ არის, რომ რეცესია დასრულებულად მივიჩნიოთ.
"ეკონომიკის ზრდა თითქმის ყველგან შეიმჩნევა, მაგრამ ყველგან ზრდის მაჩვენებლი სახელმწიფო მხარდაჭერაზეა დაფუძნებული, კერძო მოთხოვნა კი შედარებით სუსტი რჩება. იმ დრომდე, ვიდრე კერძო მოთხოვნა ზრდას არ უზრუნველყოფს, რთული იქნება იმის თქმა, რომ კრიზისი დასრულდა", _აღნიშნა სტროს-კანმა.
სავალუტო ფონდის ხელმძღვანელის განცხადებით, ეკონომიკის სწრაფი აღდგენის შემთხვევაში ქვეყნების მთავრობებმა, შესაძლოა, ანტიკრიზისული ღონისძიებები დროზე ადრე გააუქმოს, რაც ეკონიმიკის ზრდას დიდი საფრთხეს შეუქმნის.
სტროს-კანმა აღნიშნა, რომ ევროზონაში არსებული სუვერენული დავალიენებების გარდა, არსებობს მესამე საფრთხეც _ კაპიტალის უზარმაზარი ნაკადი, რომელიც ბრაზილიასა და ინდონეზიაში მიედინება და რომელმაც შესაძლოა, ეკონომიკაში დიდი სიცარიელე შექმნას.