"ალიანსი საქართველოსთვის" ერთ-ერთი ლიდერის დავით გამყრელიძის შეფასებით, სალომე ზურაბიშვილის დღევანდელი გადაწყვეტილება სწორედ ძლიერი ერთობის ჩამოყალიბებისთვის გადადგმული ნაბიჯია.
ამის შესახებ გამყრელიძემ დღეს 9 აპრილის მემორიალთან განაცხადა, სადაც მან "ალიანსის" ლიდერებთან ერთად 9 აპრილს დაღუპულთა ხსოვნას პატივი მიაგო.
""ალიანსი" ეკლეკტური და ხელოვნური ერთობა არ არის, რომელიც მალე დაიშლება, არამედ ეს არის ფუნდამენტურ ღირებულებებზე და პრინციპებზე დამყარებული ერთობა, რომელსაც ქვეყანაში მშვიდობიანად სურს შეცვალოს ხელისუფლება", - განაცხადა დავით გამყრელიძემ.
შეგახსენებთ, რომ "საქართველოს გზის" ლიდერი სალომე ზურაბიშვილი "ალიანსი საქართველოსთვის" დღეს შეუერთდა. ამიერიდან ალიანის ოთხი პარტიით იქნება წარმოდგენილი.
'