უკრაინის საკონსტიტუციო სასამართლომ პარლამენტში ჩამოყალიბებული კოალიცია კანონიერად აღიარა. ეს კი იმას ნიშნავს, რომ ქვეყანაში ვადამდელი საპარლამენტო არჩევნები აღარ გაიმართება.
სასამართლოს გადაწყვეტილება მთავრობის წარმომადგენლებმა დადებითად შეაფასეს. ოფიციალური პირების განცხადებით, ვადამდელ საპარლამენტო არჩევნებთან დაკავშირებული ხარჯები ქვეყნის ისედაც რთულ ეკონომიკას უფრო მძიმე მდგომარეობაში ჩააყენებდა.
საპარლამენტო არჩევნები უკრაინაში 2012 წლის სექტემბერშია დაგეგმილი. ახალი საპარლამენტო კოალიცია უმაღლეს რადაში ვიქტორ იანუკოვიჩის პრეზიდენტად არჩევის შემდეგ შეიქმნა.